"Челси" бош мураббийи Грэм Поттер АПЛнинг 16-тури доирасидаги "Ньюкасл"дан учралган мағлубият (0:1) ҳақида фикр билдирди.

“Ҳаммаси ўйин бошиданоқ нотўғри кетди, чунки 6-дақиқада биз Рубен Лофтус-Чикни жароҳат туфайли йўқотдик. Аспиликуэта ҳам муаммолар бор эди, шунинг учун уни танаффусда алмаштиришга мажбур бўлдим.

Жамоа жуда кўп мажбурий хатоларга йўл қўйди ва "Ньюкасл" жуда ишончли рақиблигини кўрсатди. Иккинчи бўлимни яхши бошладик, аммо гол ўтказиб юбордик. Рақибларнинг юқори шиддатли футболига дош бериш биз учун осон бўлмади”, - дейди "аристократлар" мураббийи.