"ПСЖ" бош мураббийи Кристоф Галтье ҳужумчи Неймар уни ҳайратда қолдирганини тан олди. Франциялик мутахассис ёзда жамоани қабул қилиб олди.

“Мен Неймар ҳақида кўп эшитганман ва ўқиганман. Бу ерга ҳеч қандай нотўғри фикрларсиз келгандим. Яхшиямки, мен биладиган Неймар ҳамма янгиликларда ўқийдиган Неймарга ўхшамайди. У ҳақиқий профессионал, у машғулотларга эрта келади ва уларни ҳеч қачон ўтказиб юбормайди", - деди Галтье.

30 ёшли бразилиялик жорий мавсумда 20 та ўйинда майдонга тушиб, 15 та гол урди ва 12 та голли узатмани амалга оширди.