"Ливерпуль" бош мураббийи Юрген Клопп клуб раҳбарлари билан суҳбат ўтказди ва у ерда "ПСЖ" ҳужумчиси Килиан Мбаппенинг эҳтимолий трансферини муҳокама қилди. Бу ҳақда Defence Central хабар бермоқда.
Манба берган хабарга кўра, германиялик мутахассис январь ойида 23 ёшли футболчи билан шартнома имзоланиши қанчалик реал эканлигини аниқлашни сўраган. Клопп Чемпионлар лигаси 1/8 доирасидаги "Реал"га қарши ўйин олдидан таркибни кучайтирмоқчи.
Шу билан бирга, «Ливерпуль» раҳбарияти Мбаппенинг трансфери учун ҳозирча имконият йўқ деб ҳисобламоқда.
Баҳорда Килиан "ПСЖ" билан янги шартнома имзолади. Transfermarkt унинг нархини 160 миллион еврога баҳоламоқда.