"Бавария" ва Германия терма жамоаси дарвозабони Мануэль Нойер 23 ноябрь куни бўлиб ўтадиган ЖЧ-2022 гуруҳ босқичининг 1-туридан ўрин олган Япония билан ўйиндан олдинги фикрлари билан ўртоқлашди.
“Позициявий ўйин кўрсатиш ва ҳимояда тоза ишлаш муҳим. Ҳужумда тезкор бўлсак, Япония термасига биз билан муомала қилиш қийин бўлади. Унутмангки, рақибда бизга қийинчилик туғдирадиган кучли футболчилар бор. Улардан бири “Айнтрахт” футболчиси Камада.
2014 йилда турнир бошланишидан олдин биз бутун йўлни босиб ўтишимиз ва жаҳон чемпиони бўлишимиз мумкинлигини ҳис қилмаганман. Португалияга қарши биринчи ўйин ажойиб ўтганди. 2018 йилда Мексика билан биз ёмон кўриндик. Яхши старт туфайли рақобат ритмига киришиш осонроқ бўлади", - деди Нойер Bayern & Germany билан суҳбатда.
