"Bavariya" va Germaniya terma jamoasi darvozaboni Manuel Noyer 23 noyabr kuni bo‘lib o‘tadigan JCH-2022 guruh bosqichining 1-turidan o‘rin olgan Yaponiya bilan o‘yindan oldingi fikrlari bilan o‘rtoqlashdi.
“Pozisiyaviy o‘yin ko‘rsatish va himoyada toza ishlash muhim. Hujumda tezkor bo‘lsak, Yaponiya termasiga biz bilan muomala qilish qiyin bo‘ladi. Unutmangki, raqibda bizga qiyinchilik tug‘diradigan kuchli futbolchilar bor. Ulardan biri “Ayntraxt” futbolchisi Kamada.
2014 yilda turnir boshlanishidan oldin biz butun yo‘lni bosib o‘tishimiz va jahon chempioni bo‘lishimiz mumkinligini his qilmaganman. Portugaliyaga qarshi birinchi o‘yin ajoyib o‘tgandi. 2018 yilda Meksika bilan biz yomon ko‘rindik. Yaxshi start tufayli raqobat ritmiga kirishish osonroq bo‘ladi", - dedi Noyer Bayern & Germany bilan suhbatda.
