Нидерландия терма жамоаси Қатарда меҳнат муҳожирлари билан ўйин ўтказди.

Пайшанба куни кечқурун нидерландияликлар Қатарда бўлиб ўтадиган Жаҳон чемпионати стадионларини қуришда ёрдам берган 20 нафар ишчи билан учрашди. Улар суҳбатлашиб, бирга футбол ўйнашди.

"Биз кўр эмасмиз. Биз кар эмасмиз. Бу ерда нималар бўлаётгани ҳақида гапираётган барча ахборот воситаларини кўрамиз. Ўз фикримизни шакллантиришимиз, ўз кўзимиз билан кўришимиз, одамлар билан танишишимиз фойдали бўлди", - дейди терма жамоа сардори Виржил ван Дейк.

Ван Дейк меҳнат муҳожирлари билан яккама-якка батафсилроқ гаплашишлари учун улар билан камералар ва матбуотсиз учрашишни хоҳлашини қўшимча қилди.

"Аммо биз улар билан учрашишни хоҳладик ва муваффақиятга эришганимиздан хурсандмиз", - дея қўшимча қилди ван Дейк.

Френки де Йонг ишчилардан бири билан гаплашишга муваффақ бўлди.

"Аввал мен ундан ҳозирги аҳвол ҳақида сўрадим. Аммо йигитлар бу ҳақда ўйламаганликларини билдириб, жуда хурсанд бўлишганини айтишди. У мендан шунчаки "Ливерпул"га кўчиб ўтишимни сўради. У мени ишонтиришга уринди”, - дейди “Барселона” ярим ҳимоячиси.