Niderlandiya terma jamoasi Qatarda mehnat muhojirlari bilan o‘yin o‘tkazdi.

Payshanba kuni kechqurun niderlandiyaliklar Qatarda bo‘lib o‘tadigan Jahon chempionati stadionlarini qurishda yordam bergan 20 nafar ishchi bilan uchrashdi. Ular suhbatlashib, birga futbol o‘ynashdi.

"Biz ko‘r emasmiz. Biz kar emasmiz. Bu yerda nimalar bo‘layotgani haqida gapirayotgan barcha axborot vositalarini ko‘ramiz. O‘z fikrimizni shakllantirishimiz, o‘z ko‘zimiz bilan ko‘rishimiz, odamlar bilan tanishishimiz foydali bo‘ldi", - deydi terma jamoa sardori Virjil van Deyk.

Van Deyk mehnat muhojirlari bilan yakkama-yakka batafsilroq gaplashishlari uchun ular bilan kameralar va matbuotsiz uchrashishni xohlashini qo‘shimcha qildi.

"Ammo biz ular bilan uchrashishni xohladik va muvaffaqiyatga erishganimizdan xursandmiz", - deya qo‘shimcha qildi van Deyk.

Frenki de Yong ishchilardan biri bilan gaplashishga muvaffaq bo‘ldi.

"Avval men undan hozirgi ahvol haqida so‘radim. Ammo yigitlar bu haqda o‘ylamaganliklarini bildirib, juda xursand bo‘lishganini aytishdi. U mendan shunchaki "Liverpul"ga ko‘chib o‘tishimni so‘radi. U meni ishontirishga urindi”, - deydi “Barselona” yarim himoyachisi.