"Реал" ва Бельгия терма жамоаси ҳужумчиси Эден Азарга учта клуб қизиқиш билдирмоқда, дея хабар беради Fichajes.
Манба берган хабарга кўра, ҳужумчига "Ньюкасл", "Астон Вилла" ва "Ювентус" клублари қизиқмоқда. "Қироллик клуби" маошини тежаш мақсадида ҳужумчини қўйиб юбориши мумкин. Яқинда Азарнинг ўзи келаси ёзда клубини ўзгартириши мумкинлигини айтди.
31 ёшли Азар жорий мавсумда “Реал” сафида барча турнирларда 6 та ўйинда майдонга тушиб, битта гол урди ва битта голли узатмани амалга оширди. Унинг клуб билан шартномаси 2024 йилнинг ёзига қадар мўлжалланган.