"Real" va Belgiya terma jamoasi hujumchisi Eden Azarga uchta klub qiziqish bildirmoqda, deya xabar beradi Fichajes.
Manba bergan xabarga ko‘ra, hujumchiga "Nyukasl", "Aston Villa" va "Yuventus" klublari qiziqmoqda. "Qirollik klubi" maoshini tejash maqsadida hujumchini qo‘yib yuborishi mumkin. Yaqinda Azarning o‘zi kelasi yozda klubini o‘zgartirishi mumkinligini aytdi.
31 yoshli Azar joriy mavsumda “Real” safida barcha turnirlarda 6 ta o‘yinda maydonga tushib, bitta gol urdi va bitta golli uzatmani amalga oshirdi. Uning klub bilan shartnomasi 2024 yilning yoziga qadar mo‘ljallangan.