Журналист Даниэле Лонгонинг хабар беришича, "Интер" Мёнхенгладбахнинг "Боруссия" клуби ҳужумчиси Маркус Тюрамга қизиқиш билдирмоқда.
Милан клуби келаси қишки трансфер ойнасида Тюрам билан шартнома имзолашни режалаштирмоқда.
"Нерадзуррилар" лагерида улар келишув эҳтимоли анча юқори деб ҳисоблашади ва тез орада клуб "Боруссия"га расмий таклиф юборади.
Олдинроқ, немис клуби футболчини 10 миллион еврога сотишга тайёрлиги, чунки унинг шартномаси ёзда тугаши ҳақида маълумотлар пайдо бўлганди.
25 ёшли Тюрам жорий мавсум Германия Бундеслигасида 15 та ўйинда майдонга тушиб, 10 та гол урди.
