«Манчестер Сити» ярим ҳимоячиси Бернарду Силва бир йўла иккита Испания гранди — Мадриднинг «Атлетико» ва «Барселона» билан музокараларнинг илғор босқичида турибди. Бу ҳақда журналист Маттео Моретто хабар бермоқда.

Португалиялик футболчи ёзда инглиз клубини тарк этиши мумкин, бироқ қайси клубни танлаши ҳақида ҳали якуний қарорга келгани йўқ. Ҳар иккала испан жамоаси футболчи ва унинг вакиллари билан фаол мулоқот олиб бормоқда.

Ўтган мавсумда 31 ёшли футболчи — Transfermarkt порталига кўра бозор қиймати 27 миллион еврони ташкил этади — майдонда 53 та ўйин ўтказиб, 2 та гол урди ва 5 та голли узатмани амалга оширди.