"Реал" ва Бразилия терма жамоаси ҳужумчиси Родриго жароҳати сабаб ЖЧ-2022да ўйнамайдиган жамоадоши Карим Бенземани қўллаб-қувватлади.
"Энг яхшилар энг яхшилар билан курашиши керак. Бензема жаҳон чемпионатида иштирок эта олмайди. Тезроқ тузалиб кетинг, Карим" - деб пост қолдирди бразилиялик ҳужумчи ижтимоий тармоқда.
Бензема жароҳати туфайли бир кун аввал Франция терма жамоаси машғулотларини якунлай олмади. Кейинроқ ҳужумчи жаҳон чемпионатини ўтказиб юбориши маълум бўлди.
2022 йилги жаҳон чемпионатида Франция терма жамоаси Австралия, Дания ва Тунис терма жамоалари билан бир гуруҳдан жой олади. Турнир 20 ноябрдан 18 декабрга қадар давом этади.
