"Реал Мадрид" раҳбарияти "Ювентус"га ўйинчи алмашиш бўйича сўров юборди, деб хабар беради Calciomercato. Клуб "кекса синьора" ҳужумчиси Душан Влаховичга қизиқиш билдирмоқда.
Нашрнинг ёзишича, мадридликлар жамоаси бошлиқлари сербиялик ҳужумчи эвазига ўз футболчиларидан бирини таклиф қилишга тайёр. “Ювентус”га Эден Азар ва Эдуардо Кавамингани танлаш ҳуқуқи берилди.
22 ёшли серб “кекса синьора” сафига 2022 йилнинг январида келиб қўшилганди. "Фиорентина"дан ҳужумчининг трансфери учун улар 81 миллион евро тўлашди.
Влахович жорий мавсумда “Ювентус” сафида 15 та ўйинда майдонга тушиб, 7 та гол урди ва 2 та голли узатмани амалга оширди.
