Машҳур италиялик мутахассис Арриго Сакки ҳар бир жаҳон чемпионатини, жумладан, Қатарни ҳам интиқлик билан кутаётганини айтди.
Унинг сўзларига кўра, у бу турнир ҳақида илк бор 1954 йилда, атиги саккиз ёшида хабар топган.
"Биринчи жаҳон чемпионатини 1954 йилда кузатганман. Мен саккиз ёшда эдим, мен уйдан телевизорда футбол кўрсатадиган барга қочиб кетдим.
Ўшанда Венгрия, Кочиш, Пушкаш, Хидегкути порлаган. Жаҳон чемпионатларининг барча ўйинларини ҳамон болаликдагидек иштиёқ билан томоша қиламан.
Қатардаги бирорта ҳам ўйинни ўтказиб юбормайман", - дея Арриго Саккининг сўзларини келтиради pianetamilan.it.