Португалия терма жамоаси марказий ҳимоячиси Рубен Диаш жамоанинг асосий юлдузи Криштиану Роналду атрофидаги можаро ҳақида гапирди. Яқинда 37 ёшли ҳужумчи резонансли интервю бериб, "Манчестер Юнайтед" раҳбарияти ва жамоа бош мураббийи Эрик тен Хагни танқид қилганди.
"Бу ҳолат жамоадаги муҳитга таъсир қилмади. Биз бор эътиборимизни жаҳон чемпионатидаги ўйинга қаратганмиз. Биз бу мавзуни муҳокама қилмаймиз, у биз учун ёпиқ", - дейди ҳимоячи Jogo нашрига.
Жаҳон чемпионатининг очилиш ўйинида Португалия терма жамоаси 24 ноябрь куни Гана терма жамоаси билан тўқнаш келади.
