Дзюдочимиз, 60 кг.гача бўлган вазнда медаллар учун энг асосий даъвогарлардан бири ҳисобланган Ришод Собиров ярим финал баҳсида Россия вакили Арсен Галстянга имкониятни бой бериб қўйди.
Очиғи, жангнинг оҳири бироз саволларни келтириб чиқарди. Жанг рефериси аввалига ҳамюртимиз ғалабасини қайд этаётгандек кўринди. Аммо, сўнгги паллада ғалаба россиялик жангчига бериб юборилди.
Умуман олганда, баҳс тенг курашлар остида кечди. Бирон бир дзюдочини илдамроқ ҳаракат қилди, устунлик қилди деб айта олмаймиз. Балки, баҳснинг айрим вазиятларида Ришоднинг рақиби бироз устунлик қилган бўлиши мумкин.
Орадан бироз вақт ўтгач, Ришод Собиров учинчи ўрин учун баҳсга киришади.
