Франция терма жамоаси ярим ҳимоячиси Орельен Тчуамени футбол бўйича ЖЧ-2022 гуруҳ босқичи 1-тури доирасидаги "уч ранглилар"нинг Австралия устидан йирик ҳисобда ғалаба қозонган (4:1) ўйин натижаси ҳақида фикр билдирди.
«Биз учун турнирни ғалаба билан бошлаш жуда муҳим эди ва биз буни уддалай олдик. Аммо Дания билан учрашув олдидан ўйиннинг баъзи таркибий қисмлари устида ишлашимиз керак.
Бугунги натижа бизнинг кучли ва характерга эга эканлигимизни кўрсатади, лекин биз ривожланишда давом этишимиз керак», деди 22 ёшли футболчи ўйиндан кейин beIN Sports нашрига берган интервьюсида.
26 ноябрь, шанба куни Франция Данияга қарши баҳс олиб боради. Дастлабки турда данияликлар Тунис билан очко бўлишиб олишди (0:0).
