Бразилия терма жамоаси ҳимоячиси Тиаго Силва ЖЧ-2022 ўйини олдидан Неймарнинг ҳолати ҳақида гапирди.
"Неймар жароҳатлар ва қўрқувлардан сўнг, ҳозир яхши ҳолатда. У камтарин одам, бизнинг жамоамиз унга ўзини хотиржам ҳис қилишига ёрдам беради, биз масъулиятни баҳам кўрамиз", - дея Силванинг сўзларини келтиради Daily Mail.
Спортчининг фикрича, шу йўл билан Бразилия термасининг ҳар бир футболчиси Неймарга Қатардаги турнир ўйинларида ўзининг энг яхши футболини намойиш этишига ёрдам беради.
Бразилия терма жамоаси илк ўйинни 24 ноябрь куни Сербия терма жамоасига қарши ўтказади.
