Туриннинг «Ювентус» клуби ярим ҳимоячиси Адриен Рабьо келаси мавсумда клубини ўзгартиришини истисно қилмаяпти.
Эслатиб ўтамиз, мавсум якунида футболчининг «кекса синёра» билан шартномаси тугайди.
«Ювентус» билан шартномани узайтиришим мумкинми? Билмадим, ҳозир бундай гапларнинг вақти эмас.
Ўйлайманки, Австралияга қарши ўйин менга янги клуб топишга ёки «Ювентус» билан музокараларда муваффақиятга эришишга ёрдам беради.
Айни дамда бор эътиборимни жаҳон чемпионатига қаратганман», - дея Рабьонинг сўзларидан иқтибос келтирди журналист Николо Скира ижтимоий тармоқларда.
Эслатиб ўтамиз, жаҳон чемпионати гуруҳ босқичи 1-туридан ўрин олган Австралияга қарши ўйинда Рабьо гол урди ва голли узатмани амалга оширди.
