Португалия терма жамоаси ҳужумчиси Криштиану Роналду жаҳон чемпионатида урилган голлар сони бўйича Диего Марадона билан тенглашди.

ЖЧ-2022 гуруҳ босқичининг илк учрашувида Португалия терма жамоаси Гана терма жамоасини мағлуб этди (3:2). Учрашувдаги биринчи голни Роналду 65-дақиқада пенальтини аниқ амалга ошириб киритди. 37 ёшли португалиялик ўзининг бешинчи жаҳон чемпионатида (2006, 2010, 2014, 2018, 2022) иштирок этмоқда ва уларнинг ҳар бирида гол урган. Ҳозирда унинг ҳисобида жаҳон чемпионатларида саккизта гол бор.

Шу тариқа, португалиялик Аргентина терма жамоаси ҳужумчиси Лионель Мессини ортда қолдириб, бу кўрсаткич бўйича Марадонага етиб олди.

Айни дамда 35 ёшли Месси ҳам бешинчи жаҳон чемпионатида қатнашмоқда. Унинг ҳисобида 7 та гол бор.

Диего Марадона 4 та футбол бўйича жаҳон чемпионатида (1982, 1986, 1990, 1994) ўйнаган.

Германия терма жамоасининг собиқ ҳужумчиси Мирослав Клозе жаҳон чемпионатларидаги голлар сони бўйича етакчилигича қолмоқда – 16 та.