Ўзбекистон Кубоги чорак финали жавоб учрашувида, "Насаф" жамоаси "Металлург" жамоаси билан ўз майдонида учрашди. Ушбу учрашувда "Насаф" жамоаси ғалаба қилди ва Ўзбекистон Кубоги ярим финалига йўл олди.

Бугун "Насаф" жамоаси Ўзбекистон Кубоги 1/4 финали жавоб учрашувини ўз майдонида "Металлург" жамоасига қарши ўтказди.

Ўйин "Насаф" жамоасининг ҳужуми билан бошланди. Жамоалар биринчи бўлим бошларида кетма-кет ҳужумлар уюштиришди."Насаф" Марказий стадионига томошабинлар бу сафар, ҳар қачонгидан кўпроқ ташриф буюришди. Ўйинда ҳисоб 14-дақиқада ўзгарди. "Металлург" жамоаси аьзоларининг химоядаги хатоларидан сўнг "Насаф" нинг янги аъзоси Владимир Шишелов тўпни ўзига қабул қилиб олиб чамаси 22 метрлардан зарба берди. Тўп меҳмонлар дарвозаси тўрига бориб тушди - 1:0. "Насаф" 1:0 "Металлург" биринчи бўлим ўз ниҳоясига етди. Жамоалар танаффусга чиқиб кетишди.

Бош ҳакам иккинчи бўлимни бошлаб берди.Ўйиннинг 53-дақиқасида ҳисоб ўзгарди, марказдан Геворкян рақиб жарима майдончаси томон кириб борди, унга тўпни бошқа ўйинчига узатиши ҳам мумкин эди аммо ҳеч иккиланмасдан унинг ўзи 19 метрлардан дарвозанинг узоқ бурчагини нишонга олди-2:0. Ўйиннинг 67-дақиқасида меҳмонлар ҳисобни қисқартиришди, чамаси 20 метрлардан белгиланган жарима тўпини Ильёс Қурбонов бажарди ва ажойиб тарзда дарвозанинг юқори узоқ бурчагига тўпни жойлаб қўйди- 2:1. Орадан 1 даақиқа ўтиб, "Насаф" жамоаси ўйинчилари ҳисобни йириклаштиришди, Кенжа Тўраев 17 метрлардан тўпни жамоадошидан қабул қилиб ҳеч вақт ўтказмай дарвоза томон зарба берди, натижада чиройли гол бўлди-3:1. Яшавор Кенжа! Ўйинда қизиқ вазият кузатилмоқда, "Металлург" жамоаси гол ургандан, "Насаф" жамоаси ҳам гол билан жавоб қайтараяпти. Марказдан Калевич тўпни Вагаповга узатди Руслан эса ҳеч иккиланмай тўпни тўхтатмасдан дарвоза томон зарба берди - 3:2. Ўйиннинг 90-дақиқасида В.Шишелов яна бир марта "Металлург" дарвозасини ишғол этиб, "Насаф"нинг ушбу учрашувдаги ғалабасини таъминлади.

Шундай ҳисобда учрашув ўз ниҳоясига етди. "Насаф" Ўзбекистон Кубоги баҳсларининг ярим финалида давом эттиради! "Насаф"нинг ярим финалдаги рақиби "Бухоро" жамоаси!

Дастлабки учрашув натижаси: "Металлург"-"Насаф" 2:1

"Насаф" (Қарши) – "Металлург" (Бекобод) (1:0) 4:2

Голлар: В.Шишелов-14, 1:0, А.Геворкян-53, 2:0, И.Қурбонов-67, 2:1, К.Тўраев-68, 3:1, Р.Вагапов-88, 3:2, В.Шишелов-90, 4:2.

"Насаф": 42.Мурод Зуҳуров, 3 Шавкат Раимқулов, 4 Мақсуд Каримов, 5 Ботир Қораев, 10 Тўраев Кенжа (Суҳроб Неъматов), 16 Алишер Юсупов (Жаҳонгир Жиямуродов), 17 Артур Геворкян, 18 Фозил Мусаев, 20 Эркин Бойдуллаев, 27 Илҳом Юнусов (Андрейс Переплёткинс), 55 Владимир Шишелов.

"Металлург": 1 Маьмур Икромов , 3 Саидкамол Акбаров, 4 Хикмат Хошимов, 6 Дилмурод Каримов, 7 Дониёр Одилов, 9 Шаҳзодбек Нурматов (Илёс Қурбонов), 10 Боян Калевич, 11 Шухрат Юлдашев, 14 Даврон Каримқулов, 19 Руслан Вагапов, 21 Сардор Расулов (Зоҳид Абдуллаев).

Бош ҳакам: З.Қодиров

Ён қанот ҳакамлари: Р.Самандаров, О.Жумаев,

Заҳира ҳаками: Ш.Рўзиқулов.

Назоратчи: Ф.Абдуллаев.