Бразилия терма жамоаси Сербия терма жамоаси футболчилари ҳужумчи Неймарга атайин жароҳат етказган деб ҳисобламоқда, деб хабар бермоқда Marca. Футболчи ЖЧ-2022 гуруҳ босқичи 1-тури доирасида Сербияга қарши ўйинда (2:0) жароҳат олганди.
Нашрнинг ёзишича, мураббийлар штаби ўйиндан олдин сербларга ҳужумчи Винисиус Жуниорни ҳам жароҳатлаш учун кўрсатма берилган, деб ҳисобламоқда.
25 ноябрь куни бразилиялик шифокор Родриго Лесмар Неймарнинг ўнг тўпиғи қайрилганини ва гуруҳ босқичининг қолган ўйинларини ўтказиб юборишини айтди. Жамоа ҳужумчи турнирнинг плей-офф босқичига қадар тикланишга умид қилмоқда.