Криштиану Роналду тўртинчи бор Португалия билан жаҳон чемпионатининг плей-офф босқичида ўйнайдиган бўлди.

ЖЧ-2022 гуруҳ босқичининг 2-турида Уругвайни 2:0 ҳисобида мағлуб этган Португалия турнирнинг плей-офф босқичига йўл олди.

Криштиану Роналду учун бу унинг фаолиятидаги бешинчи жаҳон чемпионати бўлиб, 5 турнирдан 4 тасида Португалия терма жамоаси гуруҳдан чиқишни уддалаган, фақат 2014 йилда Бразилияда бўлиб ўтган жаҳон чемпионатини ҳисобга олмаганда.

Ваҳоланки, португаллар охирги марта 2006 йилда 1/8 финалдан узоқроққа боришга муваффақ бўлган, ўшанда жамоа ярим финалга чиққанди.