Жароҳати туфайли терма жамоани тарк этган франциялик ҳужумчи Карим Бензема жаҳон чемпионати учун Францияга қайтмайди. Бу ҳақда L'Equipe нашри хабар бермоқда.

Олдинроқ “Олтин тўп”нинг амалдаги эгасининг тикланиши режалаштирилганидан тезроқ кетаётгани ҳақида хабар берилган эди, бироқ манбага кўра, бу Бенземанинг Франция терма жамоаси жойлашган жойига қайтишини англатмайди. Бензема кейинги ҳафтани Ҳинд океанидаги Реюнион оролида ўтказади, сўнгра "Реал Мадрид" билан машғулотларни бошлайди.

"Реал Мадрид" Испания чемпионатидаги танаффусдан сўнг илк ўйинни "Вальядолид" билан ўтказади.