"Ювентус"нинг собиқ ҳимоячиси Жоржио Кьеллини Турин клубига қайтиб, етакчи лавозимларидан бирини эгаллаши мумкин, деб ёзади журналист Николо Скира.

38 ёшли футболчи жорий мавсумда "Лос-Анжелес" сафида МЛСда ўйнади.

Аввалроқ “Ювентус” директорлар кенгаши истеъфога чиққанини маълум қилганди.

Италия грандини клуб президенти Андреа Аньелли тарк этди. Шунингдек, туринликлар раҳбари ўринбосари Павел Недвед ҳам истеъфога чиқди. Ижрочи директор Маурицио Арривабене янги директорлар кенгаши тузилмагунча клубда қолади.

Кьеллини “кекса синьора” сафида барча мусобақаларда 561 та ўйинда майдонга тушиб, 36 та гол урди ва 25 та голли узатмани амалга оширди. “Ювентус” билан футболчи 19 та соврин, жумладан 9 та Скудетто ва 5 та Италия кубогини қўлга киритган.