"Yuventus"ning sobiq himoyachisi Jorjio Kyellini Turin klubiga qaytib, yetakchi lavozimlaridan birini egallashi mumkin, deb yozadi jurnalist Nikolo Skira.
38 yoshli futbolchi joriy mavsumda "Los-Anjeles" safida MLSda o‘ynadi.
Avvalroq “Yuventus” direktorlar kengashi iste’foga chiqqanini ma’lum qilgandi.
Italiya grandini klub prezidenti Andrea Anyelli tark etdi. Shuningdek, turinliklar rahbari o‘rinbosari Pavel Nedved ham iste’foga chiqdi. Ijrochi direktor Maurisio Arrivabene yangi direktorlar kengashi tuzilmaguncha klubda qoladi.
Kyellini “keksa sinyora” safida barcha musobaqalarda 561 ta o‘yinda maydonga tushib, 36 ta gol urdi va 25 ta golli uzatmani amalga oshirdi. “Yuventus” bilan futbolchi 19 ta sovrin, jumladan 9 ta Skudetto va 5 ta Italiya kubogini qo‘lga kiritgan.
