Кеча тунда аёллар ўртасида қиличбозлик мусобақаларининг ярим финалида Олимпиада ўйинларининг навбатдаги можароли воқеаси содир бўлди.
Германиялик қиличбоз Бритта Хайдеман ҳамда Жанубий Кореялик Шин А Лам ўртасидаги ярим финал баҳсининг сўнгги сониялари катта можаро билан якунланди.
Гап шундаки, баҳс якунланишига роппа-роса бир сония қолган пайтда ҳисоб 5:5 бўлиб турган эди. Бу ҳисоб қўшимча кўрсаткичларга кўра жанубий кореялик спорчти қизни финалга олиб чиқар эди. Аммо баҳс якунланишига бир сония қолган пайтда вақтни белгилаб берувчи таймер ишламай қолди. Бунақа ҳолат Олимпиада ўйинларида илк бор кузатилишидир. 
Жанг ҳаками ўша 1 сония қолган вазиятда баҳсни 3 бора икки тарафлама жарима сифатида тўхтатди ва уни бошқатдан бошлашга чақиради. Аммо, ҳар уч сафар ҳам вақт тўхтаб турди. Кореялик спортчи нима бўлганини тушунмай турган бир вазиятда германиялик спорчти унга сўнгги уколини уришга ва очко ишлаб олишга муваффақ бўлди. Бу вазият эса кореялик спортчи ва унинг мураббийининг мусобақа ҳакамлари билан олишувига сабаб бўлади.
Жанубий кореялик спорчти Шин А Лам ва унинг мураббийи дарҳол апеляция беради. Ушбу апеляция эса қондирилмади ва ғалаба Германиялик спортчига бериб юборилди.
Вазиятни ўрганиб чиққан ҳакамлар вақтнинг тўхтаб қолганини техник хато эмас деб топишди ва кореялик спортчини тайёр ғалабадан маҳрум қилишди.
Кореялик спорчти ва унинг мураббийи эса ушбу қарорга норозилик намойиши сифатида баҳс ўтказиладиган майдонни тарк этишни исташмади ва мусобақани деярли 1 соат вақтгача тўхтатиб қўйишди.
Бу можароли баҳс юзасидан Халқаро қиличбозлик Федерацияси бош котиби Максим Парамонов чиқиш қиллди ва қуйидагиларни айтди.
"Бундай ҳолат Олимпиада ўйинларида ҳали кузатилмаган эди. Вақтни белгилаб берувчи таймернинг тўхтаб қолиши техник хато бўлса керак, ёки унинг тугмасини босиб туриши керак бўлган ҳодим кеч қолган. Албатта, 1 сония ичида рақибга нисбатан учта зарба бериб бўлмайди, буни умуман иложи йўқ. Аммо германиялик спорчти техниканинг бу нуқсонидан фойдалангани ҳақиқат. Жанубий Кореялик спорчти ва унинг мураббийини тушунса бўлади. Аммо, бу спорт ва унда бунақа ҳолатлар бўлиб туриши табиий.
Улар апеляция бергач, олдимизда танлаш учун иккита йўл бор эди. Биринчиси инсонийлик фактори ва нуқтаи назаридан кореялик спортчининг апеляциясини қондириш. Иккинчиси, қиличбозлик федерацияси қабул қилган қонун ва қоидаллар доирасида қарор қабул қиллиш эди. Апеляцияни кўриб чиққан техник қўмита иккинчисини танлади. Бу вазиятда кимдир жабр кўриши керак эди. Афсуски шундай вазиятда техника панд бериб қўйгани ёмон бўлди. Аммо, нима бўлган тақдирда ҳам қарор тўғри бўлди деб ўйлайман." дейди федерация бош котиби «Р-Спорт» нашрига берган интервьюсида.
