«Комо» ярим ҳимоячиси Франсеск Фабрегас «ПСЖ» ҳужумчиси Лионель Месси ҳақида гапирди.

Франциядаги биринчи мавсум Месси учун оғир кечди, аммо энди у қайтди. Нима ўзгарди?

"Парижга ўтишдан олдин Месси фақат битта клубда ўйнаган. У ҳар доим «Барселона» ва шаҳарнинг ўзига боғланган.

У ҳам, унинг оиласи ҳам у ерда бахтли бўлишсада, уйларини тарк этишга мажбур бўлдилар. Фарзандлари маҳаллий мактабда ўқишган, у ўз фаолиятини шу ерда тугатмоқчи эди.

Биласизми, биз профессионал футболчимиз, лекин аввало инсонмиз. Ҳамма нарсани ҳал қилиш ҳар доим ҳам осон эмас.

У ҳам, оиласи ҳам янги муҳитда, янги мамлакатда, янги чемпионатга кўникишга мажбур. Энди унинг чиқишларидан Лионель Парижда бахтли эканини тушуниш мумкин.

Унинг келажагига келсак, билмайман, биз у билан бу ҳақда гаплашмаймиз. Бу унинг шахсий иши”, - дейди Фабрегас.