WhoScored интернет-портали Жаҳон чемпионати якунлари бўйича рамзий жамоани тузиб чиқди.

Рамзий жамоани тузишда футболчиларнинг 3та ўйинда олган ўртача баллари инобатга олинган. 2та пенальтини қайтарган Войцех Шчесни дарвозага қўйилган бўлса, ҳужум чизиғи Мбаппе-Месси-Гризманн учлигидан иборат бўлди.

Португалия терма жамоаси Бруну Фернандеш 8,4 балл билан гуруҳ босқичининг энг яхши футболчиси деб тан олинди ва рамзий жамоага киритилди. Бруну гуруҳ босқичида 2та гол уриб, 2та голга ассистентлик қилди. Роналду эса ушбу жамоадан ўрин олмади.

ЖЧ-2022 гуруҳ босқичи рамзий терма жамоаси:

Дарвозабон: Войцех Щенсни (Польша, 8.2)

Ҳимоячилар: Ашраф Ҳакимий (Марокаш, 7.5), Жан-Шарль Кастеллетто (Камерун, 7.7), Харри Магуайр (Англия, 7.4), Тео Эрнандес (Франция, 8.0).

Ярим ҳимоячилар: Бруну Фернандеш (Португалия, 8.4), Френки де Йонг (Нидерландия, 7.7), Каземиро (Бразилия, 7.9).

Ҳужумчилар: Килиан Мбаппе (Франция, 7.8), Лионель Месси (Аргентина, 7.9), Антуан Гризманн (Франция, 7.7).