Бразилия терма жамоаси ҳужумчиси Неймар умумий гуруҳ машғулотларига қайтганидан сўнг саломатлиги ҳақида гапирди.
"Кайфиятим яхши. Ва энди ҳаммаси яхши бўлади”, - деб ёзди бразилиялик ўз Twitter саҳифасида.
Неймар гуруҳ босқичининг 1-тури доирасидаги Сербия терма жамоасига қарши ўйинда (2:0) жароҳат олганди, ҳужумчининг тўпиғида шикастланиш аниқланди.
Бразилия терма жамоаси мураббийлар штаби 5 декабрь куни Корея термаси билан бўладиган жаҳон чемпионати 1/8 финал учрашувида футболчидан фойдаланиши кутилмоқда.
