Мадриднинг «Реал» клуби «Милан» ва Португалия вингери Рафаэль Леауга қизиқиш билдирмоқда.

AS хабарига кўра, Мадрид клуби 23 ёшли футболчини кузатиб бормоқда ва уни ҳужум чизиғини яхшилаш учун яхши вариант деб ҳисобламоқда. «Реал Мадрид» бош мураббийи Карло Анчелотти Леауни яхши кўради.

Леаунинг яқинлари унинг қишки трансфер ойнасида клубини ўзгартириши мумкинлигини инкор этишмоқда, аммо ёзги трансфер амалга ошиши мумкинлигига ишонишмоқда.

Унинг клуби билан амалдаги шартномаси 2024 йилнинг ёзида якунига етади. Футболчи ва «Милан» ҳали янги шартнома борасида келишиб олишмаган.

Жорий мавсумда Леау «Милан» сафида 20 та ўйинда майдонга тушиб, 7 та гол урди ва 6 та голли узатмани амалга оширди.