"Лейпциг" ҳимоячиси Йошко Гвардиолнинг вакили бўлган агент Маржан Сишичнинг айтишича, футболчи клубни тарк этишга шошилмаяпти.
"Йошко "Лейпциг"да жуда бахтли. 2023 йилнинг ёзидаги трансфер борасида биз шошилмаяпмиз ва ҳеч қайси клуб билан келишиб олганимиз йўқ. Албатта, баъзи топ-клублар у билан боғланишган, аммо унинг "Лейпциг" билан узоқ муддатли шартномаси бор", - дея агентнинг сўзларидан иқтибос келтирган Sky Germany.
20 ёшли хорватиялик футболчи 2021 йилдан буён “Лейпциг” сафида тўп суради. Унинг клуб билан амалдаги шартномаси 2027 йилгача мўлжалланган. Transfermarkt портали футболчининг нархини 60 миллион еврога баҳоламоқда.
Жорий мавсумда Гвардиол “Лейпциг” сафида барча мусобақаларда 19 та ўйинда майдонга тушиб, 1 та гол уришга эришди.