"Leypsig" himoyachisi Yoshko Gvardiolning vakili bo‘lgan agent Marjan Sishichning aytishicha, futbolchi klubni tark etishga shoshilmayapti.
"Yoshko "Leypsig"da juda baxtli. 2023 yilning yozidagi transfer borasida biz shoshilmayapmiz va hech qaysi klub bilan kelishib olganimiz yo‘q. Albatta, ba’zi top-klublar u bilan bog‘lanishgan, ammo uning "Leypsig" bilan uzoq muddatli shartnomasi bor", - deya agentning so‘zlaridan iqtibos keltirgan Sky Germany.
20 yoshli xorvatiyalik futbolchi 2021 yildan buyon “Leypsig” safida to‘p suradi. Uning klub bilan amaldagi shartnomasi 2027 yilgacha mo‘ljallangan. Transfermarkt portali futbolchining narxini 60 million yevroga baholamoqda.
Joriy mavsumda Gvardiol “Leypsig” safida barcha musobaqalarda 19 ta o‘yinda maydonga tushib, 1 ta gol urishga erishdi.