Собиқ футбол юлдузи Самуел Это’О мухлисни тепган видеоси интернетга тарқалгач, баёнот берди.
Маълум қилинишича, жазоирлик блогер Это`Одан баҳорда Камеруннинг Жазоирга қарши плей-офф ўйинида ҳакамга нима учун пора берганини сўраб, уни ғазаблантирган. Это’О ҳозирда Камерун футбол федерацияси раҳбари саналади.
"Мен бундай муносабат билдирганим учун узр сўрайман. Ушбу бахтсиз ҳодиса учун узр сўрайман. Мен жазоирлик мухлисларнинг провокацияларига келажакда жавоб бермаслик мажбуриятини ўз зиммасига оламан”, — дейилади Это’Онинг баёнотида.
Это’Онинг таъкидлашича, Камерун апелляцияларга қарамай, адолатли курашда драматик жавоб учрашувида Жазоирни мағлуб этган.
