"Барселона" директори Жорди Кройфф клуб ярим ҳимоячи Френки де Йонгни сотиш ниятида эмаслигини айтди.
“Френки де Йонг сотилмайди. У бизнинг асосий ўйинчимиз, шунинг учун [у кетиши мумкин бўлган] вақт тугади. У бу ерда ва биз учун муҳим.
Ёз охирида, FFP ҳақидаги мунозаралардан сўнг, у биз билан қолди. Френкини "Барса"да жуда яхши кўришади", - дея Кройфдан иқтибос келтиради Sport.es.
Ёзда ярим ҳимоячи "Манчестер Юнайтед"га кетишга яқин эди.
25 ёшли Де Йонг жорий мавсумда "Барса" сафида 22 та ўйинда майдонга тушиб, 2 та гол урди ва 2 та голли узатмани амалга оширди. Унинг клуб билан шартномаси 2026 йилнинг ёзига қадар мўлжалланган.