Ноябрь ойида Жозе Моуриньо бир шогирдини танқид қилган эди ва унга янги клуб излашни маслаҳат берганди.
Моуриньо футболчининг исмини айтмади, лекин у Рик Карсдорпни назарда тутгани аниқ эди. Ўша воқеадан сўнг ҳимоячи Голландияга жўнаб кетди ва Римда бошқа пайдо бўлмади, бунга психологик муаммолар сабаб бўлди. Натижада Карсдорп жамоаси билан Япониядаги йиғинга бормади.
La Gazzetta Dello Sport хабарига кўра, «Рома» Рик Карсдорпни жаримага тортган.
Олдинроқ «Рома» қишда Рик Карсдорпни сотишга уриниб кўриши ҳақида маълумот пайдо бўлганди. Футболчига «Ювентус» қизиқиш билдираётган эди.
