Noyabr oyida Joze Mourinyo bir shogirdini tanqid qilgan edi va unga yangi klub izlashni maslahat bergandi.
Mourinyo futbolchining ismini aytmadi, lekin u Rik Karsdorpni nazarda tutgani aniq edi. O‘sha voqeadan so‘ng himoyachi Gollandiyaga jo‘nab ketdi va Rimda boshqa paydo bo‘lmadi, bunga psixologik muammolar sabab bo‘ldi. Natijada Karsdorp jamoasi bilan Yaponiyadagi yig‘inga bormadi.
La Gazzetta Dello Sport xabariga ko‘ra, «Roma» Rik Karsdorpni jarimaga tortgan.
Oldinroq «Roma» qishda Rik Karsdorpni sotishga urinib ko‘rishi haqida ma’lumot paydo bo‘lgandi. Futbolchiga «Yuventus» qiziqish bildirayotgan edi.
