Хорватия терма жамоаси ярим ҳимоячиси Матео Ковачич ЖЧ-2022 ярим финалида Аргентинадан учралган мағлубият (0:3) ҳақида фикр билдирди.
“Менга фикр билдириш қийин. Менимча, пеналти бизни ўлдирди. Аммо бу бошқа суҳбат. Мен ҳеч қачон ҳакамлик ҳақида фикр билдирмаганман, лекин бу икки ҳакамнинг энг катта хатоси бўлди.
Аргентина тажовузкор эканлигини ва уларда Месси борлигини билардик. Бугун у ажойиб эди. Аммо иккита кулгили гол ўтказдик ва финалсиз қолдик. Биз бу финални хоҳлаган эдик ва энди биз куч тўплашимиз, учинчи ўрин учун курашишимиз керак", - дея Ковачичнинг сўзларини келтиради Indeks.
Хорватия 17 декабрь куни учинчи ўрин учун баҳсда майдонга тушади.
