Хорватия терма жамоаси ҳимоячиси Йосип Юранович ЖЧ-2022 1/2 финали доирасидаги Аргентинадан учралган мағлубият (0:3) ҳақидаги фикрлари билан ўртоқлашди.

“Яхши ўйин ўтказдик, аммо охирги пасни беришда қийналдик. Пенальтидан олдин дарвозага зарбалар бердик ва бурчак тўпини олишимиз керак эди. Бу кичик хатолар ўйинни ўз фойдасига ҳал қилди. Аргентиналиклар Бразилия билан ўйинни томоша қилиб, биз учун тайёргарлик кўришди.

Биз чарчадик деб айта олмаймиз. Агар керак бўлса, биз энергиянинг охирги атомини берамиз. Кийиниш хонасига киришимиз билан Вида ёнимизга келди ва бу учинчи ўринни эгаллаш учун бор кучимизни ишга солишимиз кераклигини айтди. Медал бизга зарар келтирмайди", - дея Юранович сўзларини келтиради Index.