Каталониянинг "Барселона" раҳбарияти ярим ҳимоячи Серхио Бускетснинг жамоада ҳеч бўлмаганда жорий мавсум охиригача, шартномаси якунланмагунча қолишини кутмоқда. Бу ҳақда журналист Фабрицио Романо ижтимоий тармоқларда маълум қилди.

Манбага кўра, сўнгги миш-мишлардан фарқли ўлароқ, Бускетс январь ойидаги трансфер ойнасида "Барселона"ни тарк этиши даргумон. Клуб ярим ҳимоячини қишда қўйиб юборишни режалаштирмаяпти.

Яқин орада Бускетс келажаги борасида бир қарорга келиши керак. "Барселона" футболчини 2023/24 йилги мавсум охиригача сақлаб қолмоқчи, бироқ футболчининг "Интер Маями"да ўйнаш варианти ҳам бор.