Франция терма жамоаси ЖЧ-2022 ярим финалида Марокашни 2:0 ҳисобида мағлуб этди. Қизиғи шундаки, бу жорий турнирда Дидье Дешам шогирдлари гол ўтказиб юбормаган илк ўйин бўлди.
Бунгача Франция терма жамоасининг Қатардаги жаҳон чемпионатидаги натижалари қуйидагича эди: 4:1, 2:1, 0:1, 3:1, 2:1. Кўриб турганингиздек, турнирдаги аввалги ўйинларда “уч ранглилар” ўз дарвозаларидан биттадан гол ўтказиб юборишган.
Энди Франция терма жамоаси 18 декабрь куни бўлиб ўтадиган ЖЧ-2022 финалига тайёргарлик кўради. Кубок учун французлар аргентиналиклар билан куч синашади.
