Fransiya terma jamoasi JCH-2022 yarim finalida Marokashni 2:0 hisobida mag‘lub etdi. Qizig‘i shundaki, bu joriy turnirda Didye Desham shogirdlari gol o‘tkazib yubormagan ilk o‘yin bo‘ldi.

Bungacha Fransiya terma jamoasining Qatardagi jahon chempionatidagi natijalari quyidagicha edi: 4:1, 2:1, 0:1, 3:1, 2:1. Ko‘rib turganingizdek, turnirdagi avvalgi o‘yinlarda “uch ranglilar” o‘z darvozalaridan bittadan gol o‘tkazib yuborishgan.

Endi Fransiya terma jamoasi 18 dekabr kuni bo‘lib o‘tadigan JCH-2022 finaliga tayyorgarlik ko‘radi. Kubok uchun fransuzlar argentinaliklar bilan kuch sinashadi.