Миланнинг "Интер" клуби ўз ҳужумчиси Хоакин Корреани муносиб пул эвазига қўйиб юборишга тайёр. Fc Inter News нашри хабарига кўра, аргентиналик футболчи "Жузеппе Меаца"даги ўрнидан хурсанд бўлса-да, "нерадзуррилар" уни асосий таркиб футболчиси сифатида кўрмаяпти.
Манбага кўра, "Интер" футболчини тахминан 20 миллион евро эвазига қўйиб юборишга тайёр. Аргентиналик футболчига Англия Премьер-лигаси клублари томонидан қизиқишлар бор.
Эслатиб ўтамиз, Корреа 2021 йилнинг ёзида "Интер"га бош мураббий Симоне Индзаги ортидан Римнинг "Лацио" клубидан кўчиб ўтганди. Жорий мавсумда аргентиналик футболчи А Серияда 3 та гол ва битта голли узатмага эга бўлди.
