Криштиану Роналду бугун яна "Реал" машғулотларида иштирок этмоқда.
DAZN нашрининг хабар беришича, ҳужумчи Мадрид клуби базасига етиб келган. Шу тариқа Роналду кетма-кет иккинчи кун “Реал” базасида машғулот ўтказмоқда. Кеча португалиялик футболчи машғулот майдонларидан бирида - мадридлик футболчилардан алоҳида ишлади.
Олдинроқ Роналду Флорентино Перес рухсати билан "Реал" асосида шуғулланаётгани маълум бўлганди. Мадридликлар президенти Криштиануга Вальдебебас унинг уйи эканлигини айтди ва керак бўлганда у ерда машғулот ўтказишига рухсат берди.
37 ёшли форвард ҳозирда эркин агент ҳисобланади. Ноябрь ойида у "Манчестер Юнайтед" билан шартномасини бекор қилди.
Роналду 2009 йилдан 2018 йилгача "Реал" сафида ўйнаган, икки марта Ла Лига ва Испания кубоги, тўрт марта Чемпионлар лигаси ва бошқа совринларни қўлга киритган.
