Машҳур бразилиялик собиқ футболчи Кафу ЖЧ-2022 финалида кимга мухлислик қилишини айтди.

Аргентина терма жамоаси Францияга қарши майдонга тушадиган ҳал қилувчи ўйин 18 декабрь куни бўлиб ўтади.

“Мен Мессини ва у билан Аргентина терма жамоасини қўллаб-қувватлайман. Лео ажойиб турнир ўтказмоқда. Биринчи ўйинда Саудия Арабистонидан учралган мағлубиятдан сўнг ҳамма аргентиналикларни танқид қила бошлади, бироқ улар Мессининг ажойиб ўйинлари туфайли вазиятни ўзгартириб юборишди", - дея афсонавий бразилияликнинг сўзларини келтиради ТМW.

Лионель Месси Қатарда 6 та ўйинда майдонга тушиб, 5 та гол ва 3 та голли узатмага муаллифлик қилган.