"Бавария" "Барселона"нинг нидерландиялик ярим ҳимоячиси Френки де Йонгга қизиқиш билдирмоқда, деб хабар беради Sport.es.
Манбанинг хабарига кўра, немис клуби қишки ёки ёзги трансфер ойнасида футболчини сотиб олиш вариантини кўриб чиқмоқда. Ўтган ёзда каталонияликлар футболчини "Манчестер Юнайтед"га сотишга тайёр эди, бироқ де Йонг "қизил иблислар"га ўтишдан бош тортди.
25 ёшли Де Йонг жорий мавсумда “Барселона” ва Нидерландия терма жамоаси сафида барча мусобақаларда 27 та ўйинда майдонга тушиб, 3 та гол урди ва 3 та голли узатмани амалга оширди. Унинг клуб билан шартномаси 2026 йилнинг ёзига қадар мўлжалланган.