"Барселона" ҳужумчиси Мемфис Депай мавсум ўртасида клубини ўзгартирмоқчи эмас.
Mundo Deportivo хабарига кўра, нидерландиялик футболчи "Галатасарой"га ўтишни истамаяпти.
Манбага кўра, турк жамоаси Мемфис билан боғланиб, ҳужумчининг “шерлар” сафига ўтишини муҳокама қилган. Айтишларича, футболчи "Барселона" билан шартномасини охиригача ишлаб бериш ниятида эканлигини аниқ айтган.
Эслатиб ўтамиз, "Барселона"нинг нидерландиялик футболчи билан амалдаги келишуви мавсум охирида якунига етади. Испания чемпионатининг жорий мавсумида Депай битта гол урди.