"Челси" "Милан" вингери Рафаэл Леауга эътибор қаратмоқда, аммо бошқа номзодларни ҳам кўриб чиқмоқда, деб хабар беради calciomercato.com.
Хусусан, Лондон клуби “Ювентус”дан Душан Влахович, “Рома”дан Тэмми Абрахам, “Атлетико”дан Жоау Феликс, “Шахтёр”дан Михаил Мудрик ва “Манчестер Юнайтед”нинг собиқ ҳужумчиси Криштиану Роналду хизматларига мурожаат қилиши мумкин.
Влахович Турин клубидаги молиявий текширувлар туфайли трансферга рози бўлиши мумкин. Лондонликлар Абрахамни 75 миллион еврога сотиб олиш ҳуқуқига эга, аммо бундай суммани тўлаш ниятида эмас. Мудрик учун курашда “Арсенал” пешқадамлик қилмоқда, Роналду билан вариант эса даргумон.