Хорватия терма жамоаси бош мураббийи Златко Далич хорватларнинг Қатардаги жаҳон чемпионатида бронза медалларини қўлга киритиши ҳақида фикр билдирди.
ЖЧ-2022 учинчи ўрин учун ўйинда Хорватия терма жамоаси Марокаш термасини мағлуб этди (2:1).
“Бу олтин жилоси билан бронза. Бу қийин ўйин бўлди, бу медал бутун Хорватия халқи учун, бизни олқишлаган барча учун. Кетма-кет иккита жаҳон чемпионатида иккита медални қўлга киритдик. Буни озчилик кутган. Йигитларга ҳурмат, улар астойдил меҳнат қилишди ва натижа учун ўйнашди. Бундай турнирда бронза медалини қўлга киритганимиз ажойиб”, — дейди Далич.
