"ПСЖ"нинг янги аъзоси Тиаго Сильва "Барселона"га ўтмаганидан афсусланмайди, дея хабар беради Бразилия ОАВ.
Эслатиб ўтамиз, Тит Виланова бошлиқ "Барселона" мураббийлар штаби Тиаго Сильвага қаттиқ қизиқиш билдирган эди. Аммо футболчи "Милан"ни тарк этиб, "ПСЖ" билан шартнома имзолади.
"Мен "ПСЖ" билан шартнома имзоладим, ўйлайманки, бу клубда ҳам "Милан"даги каби муваффақиятларга эришаман. Албатта, "Барселона" буюк клуб. Аммо биз шу пайтгача бир-биримизсиз яшаб келдик. Шунинг учун ҳеч нарса ўзгармайди", - дейди футболчи.